Ene
30
DÍA DA PAZ

     Hoxe celébrase o día da Paz, xa

 que nun día coma hoxe, no ano 1948, mataron a Mahatma Gandhi, líder nacional e espiritual da India quen, tras graduarse en dereito , loitou contra o colonialismo inglés na India.

     Para premiar aquelas persoas ou institucións que cada ano destacan pola súa contribución á Paz, creouse o Comité Noruegués do Nobel formado por cinco persoas escollidas polo parlamento de Noruega, encargados de seleccionar cada ano unha Institución ou persoa que destaque pola súa contribución á paz no mundo.

     Este ano o seleccionado para recibir tal galardón foi o Cuarteto de  Diálogo de Túnez pola súa decidida contribución a crear unha democracia plural nese país.

Dic
19
BO NADAL

O profesorado do centro, queremos desexar a toda a comunidade educativa un Nadal cheo de ledicia e un espléndido Aninovo.

 

Dic
17
O Nadal

    

Iniciamos un  Nadal  solidario  participando na Reno Parade na decoración de renos ....

 

Dic
16
Un ano máis

Asi chegamos ao 24 de novembro e como sempre alí estivemos… no centro de Vigo apoiando e participando na concentración  en contra da Violencia de xénero….

 

Nov
17
O MAGOSTO

     Dende a prehistoria o home alimentouse de castañas e landras e coa expansión do cultivo de castiñeiros polos romanos, o seu froito converteuse na base da alimentación da poboación,pois a castaña valía para comer e para facer fariña.

     Coa chegada no século XVI de pataca e o millo procedente de América , a castaña perdeu protagonismo na alimentación campesiña.

     A palabra Magosto pode significar : gran fogo (Magnum ustum) ou lume máxico (Magum ustum), e esta festa era unha especie de agradecemento pola colleita recibida.

     Os magostos tradicionais celébranse entre os días 1 e 11 de novembro, e neles xunto coas castañas ,non falta tampouco o viño e os chourizos. Xúntanse, pois, nos magostos tres elementos  e t res festas típicas que se celebran en datas próximas: a vendima (uvas  e viño), o magosto (castañas) e a matanza (porco e chourizos).

     Para poder asar as castañas é imprescindible que haxa unhas  boas  brasas, un tixolo furado pola base para asar as castañas, unha manchea de sal gordo e, por suposto, as castañas que deben levar un corte para evitar que estoupen ó asalas.

     É frecuente emborrallar a cara cos restos da fogueira, xa que trae sorte, e realizar xogos tradicionais ou contar contos e cantar cancións populares.

    

© Escolas Nieto 2018